«ISLAMDAǴY QAZAQ ÁIELINIŃ KELBETI» ATTY SEMINAR ÓTTI (FOTO)

Búgin QMDB Astana qalasy ókildigi Áıel-qyzdar sektorynyń uıymdastyrýymen «AQMESHIT» meshitinde jamaǵatqa arnalǵan «Islamdaǵy qazaq áıeliniń beınesi» atty semınar ótti. Qasıetti Quran aıattarymen bastalǵan jıynǵa Elorda bas ımamy Erbolat Nuryldauly qatysyp Islam dinindegi áıeldiń mańyzy týraly sóz sóıledi.  QMDB Astana qalasy áıel-qyzdar sektorynyń jetekshisi Býharbaeva Elmıra ustaz sóz sóılep, áıel jamaǵatyna taǵylymǵa toly nasıhat aıtty. Sondaı-aq, «Áziret Sultan» meshitiniń ustazy Mýhlısa Saıdýlaqyzy qazaq halqynyń sharıǵatty ustanýy týraly tyń aqparattarmen bólisse, Respýblıkalyq Bas meshit ustazy Qarlyǵash Talqanbaeva qazaq dástúri men Islam dininiń tonnyń ishki baýyndaı qabysyp jatqanyn aıtyp taqyrypty asha tústi.  Semınarǵa tigin salasy boıynsha jeke kásipker, «Qazaq analary – dástúrge jol» qoǵamdyq birlestiginiń múshesi Janar Jaqsyǵulova da shaqyryldy. Ol jınalǵan jamaǵatqa kımeshektiń túrleri men jas ereksheligine qaraı oramaldy taǵý úlgilerin kórsetti. Kıeli oramaldyń tarıhymen tanystyryp, qazaq analarynyń din sheńberinen aspaǵanyn atap ótti.