«IZGILIKPEN IZ QALDYR»: «ÁL-ǴANI» MEShITINDE 25 OTBASYǴA AZYQ-TÚLIK PEN ET TARATYLDY
Astana qalasyndaǵy «Ál-Ǵanı» meshitinde áleýmettik jaǵdaıy tómen 25 otbasyǵa azyq-túlik pen et taratyldy. Qaıyrymdylyq sharasyna meshittiń bas ımamy Beıbit Myrzageldıev bastaǵan meshit qyzmetkerleri atsalysty.
Izgilikke baǵyttalǵan is-shara barysynda kómekke muqtaj otbasylarǵa azyq-túlik sebetteri men et ónimderi tabystalyp, olardyń áleýmettik jaǵdaıyna qoldaý kórsetildi.
Atalǵan qaıyrymdylyq is-sharasy «Igi ister marafony» respýblıkalyq jobasy aıasynda qolǵa alynǵan «Izgilikpen iz qaldyr» jobasynyń jalǵasy retinde uıymdastyryldy. Jobanyń negizgi maqsaty – muqtaj jandarǵa qoldaý kórsetip, qoǵamda ózara janashyrlyq pen qaıyrymdylyq qundylyqtaryn dáripteý.
«Izgilikpen iz qaldyr» jobasy Astana qalasynyń meshitterinde kezeń-kezeńimen jalǵasyn taýyp keledi. Joba aıasynda áleýmettik qoldaýdy qajet etetin azamattarǵa kómek kórsetý, túrli qaıyrymdylyq sharalaryn uıymdastyrý jáne izgilik bastamalaryn keńeıtý baǵytynda jumystar júrgizilýde.
