«HALAL DAMÝ» ÓKILDERI HALYQARALYQ SERTIFIKATQA IE BOLDY

Túrkııa Respýblıkasynyń astanasy Ankara qalasynda ótken halyqaralyq oqý semınary óz máresine jetip, qatysýshylarǵa arnaıy sertıfıkattar tabystaldy.

Atalǵan sharaǵa Qazaqstan musylmandary dinı basqarmasy janyndaǵy «Halal Damý» mekemesiniń dırektory Aıbek Asqarbekuly jáne mekeme mamandary – Meıirjan Baýyrjanuly, Gúlmıra Maratqyzy, Ómirjan Tursynuly qatysyp, oqý baǵdarlamalaryn sátti aıaqtady.

Atap aıtqanda, qatysýshylar “Halal akkredıtatsııasy jáne personaldy sertıfıkattaý boıynsha tehnıkalyq oqý” jáne «OIC/SMIIC 3:2019, OIC/SMIIC 34:2020 standarttary negizinde halal ónimderdi akkredıtteý jáne personaldy sertıfıkattaý» baǵyttary boıynsha bilimin jetildirip, halyqaralyq sertıfıkattarǵa ıe boldy.

Bul oqý baǵdarlamasy halal akkredıtatsııasy men personaldy sertıfıkattaý salasynda kásibı biliktilikti arttyrýǵa jáne halyqaralyq tájirıbeni meńgerýge múmkindik berdi.