HALYQARALYQ FORÝMDA HALAL MÁSELESI TALQYLANDY
Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń tapsyrmasymen Qazan qalasynda ótip jatqan «KazanForum» XV halyqaralyq Ekonomıkalyq forýmyna barǵan múftııat delegatsııasy, atap aıtqanda, Bas múftı keńesshisi Kenjetaı Baıkemeluly men «Halal Damý» mekemesiniń dırektory Aıbek Asqarbekuly «Halal ındýstrııasynda kadr darıalaý júıesin qurý» sektsııasyna qatysyp, baıandama jasady.
Konferentsııaǵa Malaızııalyq Islamdy damytý departamenti (JAKIM) uıymy dırektorynyń orynbasary Muhammed Zamrı, Islam elderi úshin standarttaý jáne metrologııa ınstıtýtynyń (SMIIC) dırektory Ihsan Ovıýt, Reseı musylmandary dinı basqarmasyna qarasty halyqaralyq halal standarttaý jáne sertıfıkattaý ortalyǵynyń basshysy Aıdar Gabdýllovıch, Tatarstandyq halal standarttaý komıtetiniń tóraǵasy Abbıas Fatıhovıch, Belorýssııalyq «Belhalıal» halal júıesin sertıfıkattaý jónindegi resmı mekemesiniń basshysy Rýstam Aleksandrovıch te qatysty.
Konferentsııaǵa qatysýshylarǵa Bas múftı Naýryzbaı qajy Taǵanulynyń sálemin jetkizgen Bas múftıdiń keńesshisi Kenjetaı Baıkemeluly: «Forýmǵa qatysýshylardyń kópshiligi 2023 jyly Almaty qalasynda ótkizilgen halyqaralyq «Halal EXPO 2023» kórmesine qatysqan bolatyn. Áriptestigimizdi arttyryp, baılanysymyzdy nyǵaıta túskenderińiz úshin alǵysymdy bildiremin», – dep qatysýshylardy 17 mamyr halyqaralyq halal standarttaý kúnimen quttyqtady.
«Sonymen qatar, konferentsııa barysynda halal ındýstrııasyndaǵy ortaq máseleler men olardy sheshý joldary qarastyryldy. Sonyń ishinde, halal salasyndaǵy kadr tapshylyǵyn joıý, mamandardyń biliktiligin arttyrýǵa qatysty ózara is-tájirıbe sharalaryn uıymdastyrý qarastyryldy. Halal júıesin Sonymen qatar, halyqaralyq halal ındýstrııasynyń damý baǵyty men básekege qabyletti halal ónimder túri men sanyn arttyrý máselesi qozǵaldy», – deıdi Aıbek Asqarbekuly.
