Halyqaralyq konferentsııanyń úndeýi qabyldandy (FOTO)

26 qarasha 2021 2459 0
Оqý rejımi

Nur-Sultan qalasynda el táýelsizdiginiń 30 jyldyq mereıtoıyna oraı ótkizilgen «Táýelsiz Qazaqstan jáne Islam qundylyqtary» halyqaralyq ǵylymı-tájirıbelik konferentsııasy qorytyndysy boıynsha arnaıy úndeý qabyldandy. Úndeýdi jıyn moderatory – QMDB Tóraǵasynyń orynbasary, naıb múftı Ershat Ońǵar oqyp berdi.

«Mereıli 30 jylda elimizdiń musylman qaýymy birligi bekem, yntymaǵy jarasqan jurt ekenin dáleldep, Qazaqstan musylmandary dinı basqarmasynyń aıasyna birikti. Óz kezeginde Dinı basqarma el musylmandaryn uıystyrǵan qara shańyraqqa aınaldy. Táýelsizdik rýhymen tynystaǵan halyq tarıhy men taǵdyryna, dini men diline bet burdy. Sonyń nátıjesinde elimizdiń din salasynda edáýir mańyzdy jumystar atqaryldy. Bizdiń endigi mindet el musylmandarynyń yntymaq-birligin arttyryp, barsha adamzatqa ortaq qundylyqtardy qadirlep, asyl dinimizdiń aıbynyn asyrý bolmaq.

Sondyqtan biz, «Táýelsiz Qazaqstan jáne Islam qundylyqtary» konferentsııasyna qatysqan din qaıratkerleri men ult zııalylary, dinı kelisim men birliktiń jarqyn úlgisin kórsetip, olardy úzdiksiz nasıhattaýǵa, adamzatqa ortaq qundylyqtarǵa qurmet kórsetýge, halyqtardyń tarıhı-rýhanı muralaryn qadirleýge, jastarymyzdy túrli teris dinı ıdeologııalardan qorǵap, dinı aǵymdardyń jetegine erip ketpeýden saqtaýǵa, kerisinshe Islamnyń asyl muralary men dinı qundylyqtardy kóbirek nasıhattaýǵa úndeımiz» delingen konferentsııa úndeýinde.

Pіkіrler Kіrý