HALYQARALYQ QURAN JARYSYNA QATYSÝShY QARILARDYŃ ALǴAShQY LEGI KELDI (FOTO)

Qazaqstan musylmandary dinı basqarmasynyń uıymdastyrýymen Ulttyq mereke – Respýblıka kúnine oraı tuńǵysh ret ótetin I halyqaralyq Quran jarysyna qatysýshy qarılardyń alǵashqy legi keldi.

Astananyń Halyqaralyq áýejaıynan jarystyń qurmetti qonaqtary – Quran Kárimdi tolyq jattaǵan qarılardy Dinı basqarma qyzmetkerleri men qala ımamdary qarsy aldy. Búgin Ózbekstan men Qyrǵyzstan, Tájikstan men Tatarstan Respýblıkalarynan, Saýd Arabııasy men Marokko Koroldikterinen qatysýshy qarılar, sondaı-aq jarysqa qazylyq etetin Birikken Arab Ámirlikteri men ózbekstandyq tájirıbeli qarı-ustaz keldi.

Aıta keteıik, eki kúnge sozylatyn Quran jarysyna 30-ǵa jýyq memlekettiń qarılary qatysady. Quran jarysy múftııattyń tól «Munara TV» telearnasynan, «Mýftııat QMDB» YouTube arnasynan, Dinı basqarmanyń resmı áleýmettik jelilerindegi paraqshalarynan tikeleı Efır arqyly kórsetiledi.

​​Derekkóz: QMDB Baspasóz qyzmeti