HII RESPÝBLIKALYQ QARILAR BAIQAÝYNYŃ JEREBE TARTÝ RÁSIMI ÓTTI (FOTO)

Búgin Aqtaý qalasynda HII respýblıkalyq «Quran Kárimdi jatqa jáne mánerlep oqý» baıqaýynyń jerebe tartý rásimi ótti.

Jerebe tartý rásimine QMDB Ýaǵyz-nasıhat bóliminiń meńgerýshisi Batyrjan Mansurov, Qajylyq bóliminiń meńgerýshisi Jándillá Bekjigitov, «Muftiyat» baspasynyń dırektory Murat Manapuly qarılarǵa sáttilik tiledi. Sonymen qatar baıqaý sharttary men erejesin qosymsha eskertip ótti.

Eki kúnge jalǵasatyn baıqaýǵa elimizdiń túkpir-túkpirinen 80 úmitker qatysýda. Aımaqtyq irikteý kezeńderinen úzdik shyqqan saıyskerler 4 atalym, ıaǵnı Quran Kárimniń 10, 20 jáne 30 parasyn jatqa oqý, sondaı-aq mánerlep oqý boıynsha synǵa túspek. Búgingi jerebe tartý rásimi barysynda úmitkerlerdiń rettik nómiri belgili boldy.

Qarılar baıqaýy Mańǵystaý oblystyq «Beket ata» meshitinde ótedi jáne jalpy jurtshylyqqa Dinı basqarmanyń «Munara TV» telearnasy men «Mýftııat QMDB» YouTube-arnasynan, sonymen birge @muftiyatkz ınstaparaqshasynan tikeleı kórsetilim usynylady.