KÓKTAL MEShITINDE «ISLAM JÁNE DÁSTÚR QUNDYLYǴY» ATTY ShARA ÓTTI (FOTO)

Qazaqstan musylmandary dinı basqarmasy bıylǵy 2024 jyldy «Islam jáne dástúr qundylyqtary jyly» dep jarııalaǵan bolatyn. Osyǵan oraı Astana qalasyndaǵy Kóktal meshitinde ulttyq qundylyqtardy ulyqtaý maqsatynda jamaǵatqa arnaıy shara uıymdastyryldy.

Aıtýly jıyn aıasynda Astana qalasy Kókpar federatsııasynyń prezıdenti Eraly Ánýaruly, Jazýshylar Odaǵynyń múshesi, belgili aqyn Serik Seıtman, Kóktal meshitiniń bas ımamy Sábıt Erejepov arnaıy baıandama jasap, ulttyq salt-dástúr, ádet-ǵuryptar jóninde tushymdy nasıhat aıtty.

Kókpar federatsııasynyń prezıdenti Eraly Ánýaruly qatysýshylarǵa at ábzelderi men jabdyqtary jaıly, atqa minýdiń paıdalary týrasynda tolyqqandy maǵlumat berip, arnaıy ákelgen Eksponattardy tanystyrdy. Alash arystary jóninde kólemdi zertteýler júrgizip júrgen Serik Seıtman jamaǵatqa «Alash ıdeıasy jáne ulttyq dástúr» taqyrybynda baıandama jasap, qyzyqty derektermen bólisti.

Meshit bas ımamy Sábıt Erejepov óz kezeginde din men dástúr sabaqtastyǵy jaıly sóz qozǵap, otansúıgishtik sezimdi oıatý men oqý-bilimge qushtarlyq máselelerin aıtyp ótti.