«KÓKTAL» MEShITINE TOLYQTAI TAZALYQ JUMYSTARY JÚRGIZILDI (FOTO)

Qazaqstan musylmandary dinı basqarmasy Astana qalasy ókildigine qarasty «Kóktal» meshitiniń «Ihlas» qyz-kelinshekter klýby qulshylyq úıiniń jańa oqý jylyna daıyndyǵyn pysyqtady.

Atap aıtsaq, osy qyrkúıek aıynyń basynan bastap ókildik boıynsha barlyq meshitterde shákirtter úshin saýat ashý kýrstary óz jumysyn bastaıdy. Quran oqyp úırený, tájýıd, aqıda, fıqh, Paıǵambar ﷺ ómirbaıany syndy pánder boıynsha dárister berilip, jyl sońyna deıin halyqtyń rýhanı saýattylyǵyn arttyrý baǵytynda oqý-aǵartý jumystary júzege asady.

Mine, osy ıgi dástúr boıynsha «Kóktal» meshitiniń ustazy Mýhlısa Saıdýllaqyzy bastaǵan áıel jamaǵaty qulshylyq úıiniń ishki jáne syrtqy aýmaqtaryna tazalyq jumystaryn júrgizip, kelýshi shákirtter úshin bilim alýǵa qolaıly jaǵdaı jaratty.

«Imannyń jartysy bolǵan tazalyq musylman úshin eń birinshi talap. Adamnyń ishki rýhanı tazylyǵy da dál osy syrtqy tazalyqtan bastaý alady emes pe?! Bizdiń klýb músheleri búgin osy qaǵıdany negizge ala otyryp, meshit tazalyǵyn rettteýge bar yqylastary men kúsh-jigerin ortaǵa saldy. Alla saýaptan jazsyn!», dep atap ótti «Ihlas» qyz-kelinshekter klýbynyń jetekshisi Mýhlısa Saıdýllaqyzy.