Kóligine kepter uıa salǵan azamattyń sabyry jurtty súısinderdi (FOTO)

Túrik eliniń Mersın atty aýylynda turatyn Ismet Ateshtiń meıirimdiligi men sabyry ǵalamtor qoldanýshylarynyń súısinisin týdyryp, erekshe qoldaýǵa ıe boldy. Óziniń kókenis tasıtyn júk kóliginiń aldyńǵy terezesine kógershinderdiń uıa salǵanyn baıqaǵan ol sodan keıin kóligin ornynan qozǵamaǵan.

«Bizdiń dinimiz qustyń uıasyn buzýǵa tyıym salady. Men otbasymmen aqyldasa kele, júk kóligin ýaqytsha, balapandar boı kótergenshe paıdalanbaýdy sheshtik. Bizdiń esebimiz boıynsha balapandar 21 kúnnen soń jumyrtqadan shyǵatyn bolady. Ary qaraı baýyryn kótergenshe shamamen eki aı ýaqyt ketedi. Biz tózimdilikpen kútetin bolamyz», – deıdi ol.

Dál qazirgi ýaqytta ol óziniń tasymal jumysyna basqa júk kóligin jalǵa alǵan kórinedi.