Kórkemsýret baıqaýynyń jeńimpazy marapattaldy (FOTO)

Qazaqstan musylmandary dinı basqarmasy el táýelsizdiginiń 30 jyldyǵyna oraı balalar arasynda «Azattyq – balalar kózimen» kórkemsýret baıqaýyn jarııalaǵan bolatyn. Osyǵan oraı baıqaýda ekinshi oryndy ıelengen Nur-Sultan qalasyndaǵy №84 mektep-lıtseıdiń 6-synyp oqýshysy Dıana Osmanova arnaıy syılyqpen marapattaldy.

Jas kórkemsýretshiler baıqaýy jas órkenniń patrıottyq sezimin oıatý, týǵan jerge degen mahabbatyn arttyrý, balalardyń qabiletin damytyp, talabyn shyńdaý, azattyqtyń, erkindiktiń qasıetin nasıhattaý baǵytynda qolǵa alyndy.

Esterińizge salsaq, baıqaýǵa elimizdiń ár aımaǵynan 7-12 jas aralyǵyndaǵy balalar qatysyp, sýretterin joldaǵan bolatyn. Balǵyn týyndylardy qazylar alqasy baǵalap, jeńimpazdardy anyqtady.

Baıqaý jeńimpazdaryn júldeleri oryndarymen quttyqtaımyz!