Koronavırýsqa qarsy vaktsınanyń halal ekendigi anyqtaldy

Indonezııa memleketiniń eń joǵarǵy ıslamı uıymy Qytaı eliniń koronavırýsqa qarsy Sinovac vaktsınasynyń halal ekendigin, ıaǵnı sharıǵat talaptaryna saı ekenin málimdedi. Pátýa shyǵarýǵa jaýapty Ǵulamalar Keńesiniń hatshysy Asrorýn Nıam bul sheshimniń arnaıy otyrys barysynda qabyldanǵanyn, vaktsına quramyndaǵy zattar men jasalý joly tolyǵymen talqylanǵanyn jetkizdi.

Degenmen, ol bul sheshimniń áli de naqty emes ekenin, keńes músheleriniń Azyq-túlik jáne dári-dármekterdi baqylaý agenttiginiń qorytyndysyn kútip otyrǵanyn atap ótti. Buǵan deıin Keńes músheleri qazan aıynda Sinovac zaýytyna arnaıy barǵan aýdıtorlyq komıssııa qorytyndysyn qarap shyqqan bolatyn.