Lıverpýl oıynshysynyń sebebimen Islamdy qabyldaǵan

«Men musylman bolǵanǵa deıin Islam dinine degen kózqarasym jaqsy bolmady. Meniń Islamdy qabyldaýyma sebepshi bolǵan Lıverpýl fýtbol klýbynyń shabýylshysy Muhammed Salah», deıdi aǵylshyndyq fýtbol jankúıeri Ben Bırd.

Ol áýeli ónerimen tánti etken Mysyrlyq fýtbolshy jaıly keńinen zertteı bastaǵan. Keıin kele onyń musylmanǵa tán adamgershilik is-áreketterine tánti bolyp Islam dinine erekshe den qoıa bastapty.

«Men ózimdi taptym jáne bul meniń Muhammed Salahtan úırengen tusym. Men onymen kezdesip, rahmet aıtýdy qalaımyn», deıdi aǵylshyn azamaty Ben Bırd.

Sondaı-aq, ol jergilikti «Gardıan» basylymyna bergen suhbatynda musylmandyqty qabyldaǵan soń baryp júregi tynyshtyqty sezingenin aıtqan.