Madına qalasynda qajylar mingen avtobýs órtenip ketti

Qasıetti Madına qalasynda qaıǵyly oqıǵa oryn aldy. Túrik eliniń qajylary mingen avtobýs jol apatyna ushyrap, kóliktiń túgi qalmaı janyp ketken.

Saýd Arabııasynyń baspasóz quraldary taratqan aqparatqa sáıkes, qajylar mingen avtobýs jeńil kólikpen soqtyǵysqan. Jol apaty kezinde qos kóliktiń de júrgizýshileri oqıǵa ornynda qaıtys bolǵan. Avtobýs esikteri avtomatty túrde ashylyp, qajylar avtobýs jarylmaı turyp syrtqa shyǵyp úlgergen. Degenmen, bes adamnń túrli dene jaraqatyn alǵany aıtylady.

Boljam boıynsha, jol apatynyń oryn alýyna Madına qalasyndaǵy qum boranynyń áseri bolǵan.