MALAIZIIa ELShISIMEN HALAL MÁSELESI TALQYLANDY (FOTO)

QMDB Tóraǵasynyń orynbasary, naıb múftı Ershat Aǵybaıuly Malaızııanyń Qazaqstandaǵy elshisi Mýhammad Adlı Bın Abdýlla myrzamen kezdesti. 

Kezdesý barysynda eki el arasynda áriptestik yntymaqtastyqty arttyrý boıynsha halal baǵyty sóz boldy. Taraptar Qazaqstan men Malaızııa arasyndaǵy halal ónimder aınalymyn jáne álemdik naryqta básekege qabiletti halal ónim óndirýshi kásiporyndar sanyn arttyrý, eki eldiń halal standarttaý jáne sertıfıkattaý júıesinde ózara tájirıbe almasý, mamandardyń bilimin jetildirýdiń mańyzdylyǵyna toqtaldy.

Sonymen qatar, elshi myrza Dinı basqarmanyń ár jyly ótkizetin «HALAL EXPO» kórmesine qyzyǵýshylyq tanytyp, osy jyly ótetin úshinshi «HALAL EXPO-2023» kórmesine mindetti túrde qatysatynyn jáne malaızııalyq halal ónim óndirýshi kásiporyndardy da qatystyrý týraly oıyn aıtty.

Kezdesý sońynda naıb múftı Ershat Aǵybaıuly ózara yntymaqtastyqty arttyrýǵa múddeli ekenin jetkizdi.