Malazııalyq jýrnalıster bas meshitti aralady (FOTO)

Elordamyzdaǵy kórikti qulshylyq ordalarynyń biri Respýblıkalyq «Áziret Sultan» meshitine Malazııalyq «ál-Hıjr» telearnasynyń jýrnalısteri arnaıy kelip zııarat etti. Televızııalyq beıne kontent túsirýdi nıet etken sheteldik tilshiler ǵıbadat úıiniń tynys-tirshiligimen tanysyp, qazaqy oıýlarmen órnektelgen meshittiń ishki dızaınyna degen tańdanystaryn bildirdi.

«Áziret Sultan» meshitiniń dinı qyzmetkeri Rahmatýlla Qapsattaruly qonaqtardy ishinara aralatyp, namaz zalynda ornalasqan Qurannyń kóne jazbalaryn kórsetti. Allanyń úıin zııarat etip bolǵan soń sheteldik qonaqtar estelikke sýretke tústi.

Eske, sala ketsek, Elordaǵa kelgen sheteldik qonaqtar men týrıstter astanamyzǵa ásemdik syılap turǵan osynaý «Áziret Sultan» meshitin aralaý úshin jıi bas suǵady. Munda kóptegen el prezıdentteri men qoǵam qaıratkerleri qonaqta bolǵan.