«Máshhúr Júsip» qarılar daıarlaý ortalyǵy tórtinshi qarıdy daıyndap shyǵardy

Pavlodar oblysynyń bas ımamy Joldas Qospaquly «Máshhúr Júsip» qarılar daıarlaý ortalyǵynan shyqqan tórtinshi qarıdy tanystyrdy.

Oblystyq «Máshhúr Júsip» meshitinde Alı Abdısamatov qarıǵa bas ımam alǵys hat tabystap, batasyn berdi. 2020-2021 oqý jyly barysynda Allanyń kálamy bolǵan qasıetti Quran Kárimniń 114 súresin bastan-aıaq tolyǵymen jattap qarı bolǵanyn jamaǵatqa súıinshilep, meshit jamaǵaty men demeýshileri atynan qarjylaı syı-sııapat tapsyrdy.

Búgingi tańda «Máshhúr Júsip» qarılar daıarlaý ortalyǵynda on shaqty shákirt bilim alýda. Ortalyqtyń baǵytyna sáıkes Quran tápsiri, tájýıd, aqıda, hadıs sekildi pánder oqytylady.