Medıaforýmda bas redaktorlar taǵylymdy semınar ótkizdi (FOTO)

Elordadaǵy QMDB ǵımaratynda ótken múftııat jýrnalısteriniń respýblıkalyq medıaforýmynda BAQ jetekshileri dinı jýrnalıstıkanyń aqparat aıdynyndaǵy orny, jańa medıanyń jańalyqtary, shynaıy aqparatty anyqtaý tásilderi, jalǵan dinı urandardan saqtaný joldary, t.b. taqyryptar aıasynda baıandama jasady.

«Egemen Qazaqstan» respýblıkalyq gazetiniń bas redaktory Ǵabıt Músirep aqparat alańyndaǵy Ihsan ilimi jáne din men dástúr sabaqtastyǵy tóńireginde taǵylymdy oı qozǵasa, «Aıqyn» gazetiniń bas redaktory Amangeldi Qurmetuly kásibı jýrnalıstiń qarýy – shynaıy aqparat ekenin basa aıtyp, tilshilerdi aqparattyń anyq-qanyǵyn anyqtaýǵa mán berýge shaqyrdy.

«Túrkistan» gazetiniń bas redaktory Baýyrjan Babajanuly jat aǵymdardan saqtaný joldarynyń BAQ betterinde kóterilýi jaıynda maǵynaly mysaldar keltirip, mazmundy pikir bildirse, «Astana aqshamy» gazetiniń shef-redaktory Tólen Tileýbaı dástúrli BAQ pen tsıfrlyq medıa sabaqtastyǵy tóńireginde baıypty oı qozǵady. Sondaı-aq belgili telejýrnalıst, tanymal dıktor Zeıin Álipbektiń qazaq jýrnalıstıkasynyń qazirgi kelbetine toqtaldy.

Jıyndy qorytyndylaǵan Bas múftı Naýryzbaı qajy Taǵanuly medıaforýmynyń mánin keltirgen spıkerler men jıynǵa arnaıy qatysqan QMDB-nyń aımaqtardaǵy baspasóz ókilderine alǵysyn bildirdi. QMDB Tóraǵasy múftııattyń ardager jýrnalısterin, atap aıtqanda Amantaı Toıshybaıuly (Pavlodar oblysy), Baqyt Smaǵul (Aqmola oblysy), Áskerhan Aqtaı (ShQO), Nurlan Samatuly (BQO) jáne Dáýlet Tileýberdini (Abaı oblysy) QMDB-nyń merekelik medalimen marapattady.

​