Mekke men Mədınada qajylarmen 237 ret kezdesý ótti (FOTO)
Qazaqstan Qajylyq mıssııasy janyndaǵy Ýaǵyz-nasıhat tobynyń uıymdastyrýymen qajylar arasynda 237 ret kezdesý ótti.
Ýaǵyz-nasıhat jumystarynyń júrgizilýine jaýapty Ǵylymbek Məjıev Mekke qalasynda ımamdarǵa arnaıy ótken jınalys barysynda aǵymdaǵy jyly qajylarǵa sapaly qyzmet kórsetý, sonyń ishinde eń bastysy mazmundy ýaǵyz-nasıhat aıtý kerektigin jetkizdi. Atalǵan alqaly jıynda Ýaǵyz-nasıhat tobynyń úılestirý jumystary Shyǵys Qazaqstan oblysynyń ókil ımamy Ermek Muqataıǵa tapsyryldy. Júrgiziletin ýaǵyzdar birizdi bolýy tıis degen usynysqa oraı, ustaz Rızabek Battaluly oı-pikirlerdi jınaqtap, qajylyqta aıtylýy kerek ýaǵyz taqyryptaryn usyndy. Usynylǵan taqyryptardy Sharıǵat jáne pátýa bóliminiń meńgerýshisi Sansyzbaı Shoqanov bekitip, barlyq ýaǵyzdar birizdi júıemen aıtyldy.
Top músheleri kún saıyn atqarylǵan is-sharalardyń esebin WhatsApp jelisindegi ortaq topqa joldap, júrgizilgen ýaǵyz-nasıhat jumystarynyń kúndik esebi daıyndalyp otyrdy.
Qajylyq fırmalary arasynda "Ansar krýız" (37 kezdesý), "Taýaf travel" (23 kezdesý), "Hıdaıat nur" (23 kezdesý) kompanııalary belsendilik tanytyp, joǵary jumys nətıjesin kórsetti.
Atap aıtqanda, Mekke men Mədınadaǵy qonaqúıler men Mına shatyryna ornalasqan jerlesterimizge "Qajylyq - teńdessiz qulshylyq", "Arapa kúniniń artyqshylyǵy", "Duǵa - musylmannyń qorǵany", "Ýaqyttyń qadiri", "Qajylyqtyń rúkinderi men sharttary", "Qabyl bolǵan qajylyqtyń syıy - jənnat", "Taýap jasaýdyń saýaby", t.b. taqyryptar boıynsha ýaǵyz aıtyldy.
Jumys barysynda dəstúrli emes dinı kózqarastaǵy tulǵalardyń úgit jasaýyna jol bermeý məselesi jiti qadaǵalandy.
