MEKKEDE HALYQARALYQ KONFERENTsIIa ÓTTI (FOTO)
Saýd Arabııasy Koroldiginiń Islam isteri jáne ýaǵyz-nasıhat mınıstrliginiń uıymdastyrýymen qasıetti Mekke qalasynda «Moderatsııa qaǵıdattaryn ilgeriletý jáne moderatsııa qundylyqtaryn bekitýdegi Ýaqyptar jáne Islam isteri mınıstrlikteriniń róli» taqyrybyndaǵy IX halyqaralyq konferentsııasy ótti.
Álemniń 60 elinen delegattar jınalǵan konferentsııaǵa QMDB Tóraǵasy Naýryzbaı qajy Taǵanulynyń tapsyrmasymen naıb múftı Ershat Ońǵar qatysty.
Úsh kúnge sozylǵan aýqymdy sharada Ekstremızmge, fanatızmge jáne terrorızmge qarsy turý, toleranttylyq jáne jalpy adamzattyq qundylyqtaryn qalyptastyrý, dinı dıskýrs jáne onyń moderatsııa prıntsıpterin ilgeriletýdegi jáne moderatsııa qundylyqtaryn bekitýdegi róli, bilimsiz berilgen nemese maman ıesi bermegen pátýanyń qaýiptiligi, musylman elderindegi otanshyldyqty nyǵaıtý jáne onyń musylman qoǵamynyń turaqtylyǵyna áseri men mádenı jahandaný turǵysynan ıslamdyq erekshelikter, ımamdardy, ýaǵyzshylardy, azanshylardy taǵaıyndaý jáne meshitterdi salý men jóndeý jumystary boıynsha tájirıbe almasý, ýaqyp qorlarynyń tájirıbesi men jalpy ishki ónimdi arttyrýdaǵy róli, Islam isteri jáne ýaqyptar mınıstrlikteriniń zamanaýı baılanys quraldaryn paıdalaný men onyń qaýip-qaterinen saqtaný joldaryn qoldanýdaǵy róli jáne ateızmniń qaýiptiligi syndy taqyryptar qozǵalyp, jalpy sany 9 sessııa ótti.
Naıb múftı Ershat Aǵybaıuly 4-sessııada baıandama jasap, qatysýshylarǵa QMDB Tóraǵasy Naýryzbaı qajy Taǵanulynyń sálemin jetkizdi. Sondaı-aq ol bilimsiz berilgen nemese maman ıesi bermegen pátýanyń qanshalyqty qaýipti ekenine toqtalyp, onyń musylman qaýymyna, jalpy qoǵamǵa keltiretin zardabyn aıtyp ótti.
