MEKKEDE QAJYLYQ MISSIIaSYNYŃ ALǴAShQY JIYNY ÓTTI
Qazaqstan qajylyq mıssııasy ókilderi Saýd Arabııasynyń Mekke qalasynda alǵashqy jıynyn ótkizdi.
Basqosýǵa Qazaqstan qajylyq mıssııasynyń tóraǵasy, naıb múftı Ershat qajy Ońǵar, Bas múftıdiń keńesshileri Kenjetaı Baıkemeluly men Bıjigit Nurjigituly, QMDB Din men dástúr bóliminiń meńgerýshisi Nurbek Áýeshanuly, Qajylyq bóliminiń meńgerýshisi Jándillá Bekjigitov jáne basqa da mıssııa músheleri qatysty.
Alǵashqy jıynda mıssııa tóraǵasy arnaıy jumys josparyn bekitip, mıssııa múshelerine tıisti tapsyrmalar berdi.
«Bizdiń eń mańyzdy mindetimiz – qajylarymyz qulshylyǵyn durys oryndaýy úshin olarǵa laıyqty qyzmet kórsetý. Sondyqtan ár iske jaýapkershilikpen, qajylarymyzǵa janashyrlyqpen qarap, baısaldylyqpen, sabyrlyqpen, yqylaspen qareket etýimiz kerek. Árqaısymyz óz baǵyt, mindetimizge qatysty jumystardy júzege asyrýda belsendi, tabandy bolýǵa tıispiz» dedi Ershat qajy Ońǵar.
Sonymen qatar, jıynda uıymdastyrý, aqparat taratý, ýaǵyz aıtý, dárigerlik kómek, qajylyqqa qatysty suraqtarǵa jaýap berý syndy baǵyttar boıynsha atqarylyp jatqan jumystar jaıly baıandaldy.
Bas múftıdiń keńesshisi Bıjigit Nurjigituly 16 týroperatorǵa bólinip berilgen QMDB ımamdarynyń ýaǵyz-nasıhat jumystaryn jetildirip, jat aǵymdy nasıhattaýǵa jol bermeý kerektigin atap ótse, Qajylyq bóliminiń meńgerýshisi Jándillá Bekjigitov qasıetti Mekke tórine aman-esen jetken otandastarymyz jóninde aıtyp ótti.
Aıta keteıik, Qazaqstan qajylyq mıssııasy jumysyn 5 baǵyt (uıymdastyrý, ýaǵyz-nasıhat, alǵashqy dárigerlik kómek, pátýa berý jáne aqparat) boıynsha júrgizedi. Mıssııa músheleri qajylyq kompanııalarynyń qyzmeti, otandastarymyzdyń hal-ahýaly men densaýlyǵy, ýaǵyz-nasıhat jumystarynyń júrgizilýi jáne eń bastysy qajylarymyzdyń qulshylyqtaryn durys oryndaýyn qadaǵalaıdy.
