«Meniń alǵashqy orazam» Esse baıqaýynyń jeńimpazdary marapattaldy (FOTO)
«Nur Astana» meshitinde «Meniń alǵashqy orazam» úzdik Esse baıqaýynyń jeńimpazdaryn marapattaý rásimi ótti.
Ramazan aıynyń basynda bastalǵan shyǵarmashylyq baıqaýǵa Nur-Sultan qalasynan qatysqan úmitkerlerdiń eń jasy 14 jasta bolsa, eń úlkeni 70 jastaǵy aq jaýlyqty ájeıler edi. Iaǵnı nıet etip qatysqandardyń sany kóp boldy, onyń ishinde elimizdiń ózge qalalarynan, Shymkent, Qyzylorda óńirlerinen de shyǵarma joldap, qatysqan jandar bar.
Biraq baıqaý talabyna sáıkes, tek elordanyń atynan qatysqan úmitkerler arasynan jeńimpazdar anyqtaldy. Baıqaý nátıjesinde júldeli birinshi orynǵa Qarashash Serǵazına, ekinshi orynǵa Meńdikól Bolat, úshinshi orynǵa Qaraqat Ashar laıyq dep tanyldy.
Baıqaýdyń maqsaty – qasıetti Ramazan aıynyń qadir-qasıetin arttyrý, ǵıbratty, oqıǵaly shyǵarmalar arqyly oqyrmandarǵa motıvatsııa syılaý bolǵandyqtan, jeńimpazdardy anyqtaý kezinde osy máselege basa nazar aýdaryldy. Ózgelerdiń Ramazanǵa degen qulshynysyn oıatatyndaı úzdik shyǵarma ıelerine «Nur Astana» meshitiniń naıb ımamy Berikbol Janaq arnaıy dıplom men baıqaý syılyqtaryn tabystady.
Baıqaýdyń basty júldeleriniń biri – túpnusqadaǵy Quran Kárim men Qurannyń qazaqsha aýdarmasy bolatyn. Jeńimpaz úzdikterdiń arasynda Ramazan aıynda Qurandy hatym etken jandar da bar eken. Ony baıqaýǵa usynǵan shyǵarmalardy oqyp otyryp bildik, ishteı súısindik, erekshe áser aldyq. Marapattaý sońynda baıqaý jeńimpazdary meshit ujymyna zor rızashylyq bildirip, izgi tilegin arnady.
