Soǵan oraı 27 qyrkúıek kúni Semeı óńiriniń bas ımamy Asqar Muqanovtyń qatysýymen qýanyshty habar meshit jamaǵattaryna resmı túrde habarlanyp, Álıhan babamyzdyń rýhyna baǵyshtalyp, arnaıy Quran qatym túsirildi.
«Tiri bolsam, qazaqqa qyzmet qylmaı qoımaımyn» dep ózine sert bergen Alash kósemi esiminiń meshitke berilýiniń tarıhı sebepteri bar. Álıhan babamyz osy Semeı jerinde júrip, qazaqtyń bolashaǵy úshin aıanbaı eńbek etip, Alash partııasyn qurdy. Degenmen Máskeýde úıqamaqta ustaǵan bolshevıkter asyl erdi Áskerı sot kollegııasynyń sheshimimen 1937 jyldyń 27 qyrqúıeginde atý jazasyna kesti. Búgingi bizdiń ótkizip otyrǵan sharamyz dál osy kúnge saı kelip otyr. Aldaǵy ýaqytta osy meshittiń ishinen Álıhan Bókeıhanovtyń eńbekterin jınaqtap kitaphana ashý josparymyz bar, – deıdi Asqar Ábitaıuly.
Kent jamaǵaty Alash kóseminiń esimin meshitke berý jónindegi usynystaryna qoldaý kórsetken Bas múftı Naýryzbaı qajy Taǵanulyna alǵystaryn bildirdi.
