Meshitti mekendep kelgen mysyq qaıtys boldy

Túrkııa elindegi ataqty Aııa-Sofııa meshitin týǵaly beri mekendep kele jatqan ataqty túrik mysyǵy qaıtys boldy. Bul týraly Stambýl gýbernator Álı Erlıkaıdyń ózi arnaıy habarlap, málimdeme taratty.

Aıta keteıik, Glı esimdi mysyq dál osy Aııa-Sofııa meshitinde kózin ashyp, 16 jyl ǵumyryn qulshylyq ordasynda ótkizgen eken. Osydan birshama ýaqyt buryn, tipti oǵan arnaıy jeke bólme de berilgen bolatyn. Al, qyrkúıek aıynda aýyryp qalǵanyna baılanysty jergilikti emhanalardyń birine jatqyzylǵan eken.

Meshitke kelýshilerdiń mahabbaty men súıispenshiligine bólenip ósken Glıdyń ınstagram jelisinde óz paraqshasy da bolǵan. Aııa-Sofııa meshitindegi gıd qyzmetkeri júrgizetin paraqshanyń oqyrmandar sany 100 000 asyp jyǵylǵan.