MÚFTIIaT JASTARY HALYQARALYQ JAS DINI LIDERLER FORÝMYNA QATYSTY (FOTO)
Búgin elordasy Astanada «Ortaq bolashaq jolynda: jas kóshbasshylardyń dinaralyq dıalogty nyǵaıtýdaǵy róli» taqyrybyna arnalǵan alǵashqy Jas dinı lıderler forýmy ótti.
Álemdik jáne dástúrli dinder lıderleri Sezi aıasynda uıymdastyrylǵan is-sharaǵa álemniń 30-dan astam elinen kelgen delegattar qatysyp, qazirgi tańdaǵy ózekti máselelerdi birlesip sheshý joldaryn talqylady. Forýmdy ashqan QR Parlamenti Senatynyń Tóraǵasy, Álemdik jáne dástúrli dinder lıderleri Sezi Hatshylyǵynyń basshysy Máýlen Áshimbaev Prezıdent Qasym-Jomart Toqaevtyń is-sharaǵa qatysýshylarǵa joldaǵan quttyqtaýyn oqyp berdi. Onda Memleket basshysy eki jyl buryn Álemdik jáne dástúrli dinder kóshbasshylarynyń VII sezinde onyń jumysyn jandandyratyn jańa tásilder oılastyrýdy usynǵanyn atap ótken. Bul bastamany delegattar biraýyzdan qoldady. Qazir osy baǵytta birqatar ıgilikti is tabysty júzege asyrylyp jatyr. Sonyń biri – Jas dinı lıderler forýmy.
Forýmǵa QMDB Tóraǵasy Naýryzbaı qajy Taǵanulynyń bastamasymen múftııat jastarynyń da qatysqanyn aıta ketken jón. Jastar isi sektorynyń meńgerýshisi Baǵyjan Erbolatuly baıandama jasap, álemniń ár túkpirinen kelgen jas dinı lıderlerge Qazaqstan musylmandary dinı basqarmasy atqaryp otyrǵan irgeli isterdi habardar etti.
«Halqymyz «Birlik túbi – bereke», «Bereke bastaýy birlik, el ishi tatý tirlik», «Birlik bolmaı, tirlik bolmas» dep birlik pen baýyrlastyqtyń qoǵamnyń barlyq salasynda da mańyzdylyǵyna mán bergen.
Qaı ult, qaı el bolmasyn beıbitshilikti, birlikti, ashyq aspan men baqytty, terezesi teń, keregesi keń elder qatarynda bolýdy ańsaıdy. Óıtkeni, tatýlyq pen kelisim, beıbitshilik pen turaqtylyq bar eldi baqyt ózi izdep keledi» dedi sektor meńgerýshisi.
Aıta keteıik, forýmda jas din lıderleriniń birlesken úndeýi qabyldanyp, aldaǵy ortaq jumystyń basym baǵyttary belgilendi.
