Múftııattyń Elektrondy kitaphanasy iske qosyldy (FOTO)

22 maýsym 2022 2350 0
Оqý rejımi

Bas múftı Naýryzbaı qajy Taǵanulynyń tóraǵalyǵymen ótken Apparat otyrysynda QMDB-nyń «Elektrondy kitaphanasy» jobasy tanystyryldy.

Múftııat resmı saıtynyń qosymshasy retinde iske qosylǵan http://kitap.muftyat.kz saıtyn Ortalyq apparat múshelerine Ǵalamtormen jumys sektorynyń meńgerýshisi Serikbol Hasan tanystyrdy.

Elektrondy kitaphana «Kitaptar», «Basylymdar», «Qujattar», «Ǵylymı jumystar», «Sózdikter» t.b birneshe aıdarǵa bólingen. «Kitaptar» aıdarynda «MUFTIYAT» baspasynan shyqqan kitaptar, qazaqsha jáne oryssha dinı kitaptar ornalasqan. Al «Basylymdar» aıdarynan oqyrmandar «Munara» gazeti men «Iman» jýrnalynyń ár jyldardaǵy sandarynyń PDF nusqasymen tanysa alady.

Aıta keteıik, Qazaqstan musylmandary dinı basqarmasynyń «Elektrondy kitaphana» jobasy QMDB tarapynan maquldanǵan kitaptardy jınaqtaı otyryp, tsıfrlandyrý ári júıeleý maqsatynda júzege asyryldy. Dinı kitaptar bazasy jınaqtalǵan joba qarapaıym oqyrmandarǵa da, din qyzmetkerlerine de paıdaly bolmaq.

Pіkіrler Kіrý