Múftııattyń gýmanıtarlyq kómegi Jylyoıǵa jetkizildi

Qazaqstan musylmandary dinı basqarmasynyń óńirlerde sý apatynan zardap shekken turǵyndarǵa jibergen gýmanıtarlyq kómegi Atyraý oblysyna da jetip, Qulsary qalasyna jóneltilýde.

Jylyoı aýdanynyń Qulsary qalasy men Turǵyzba aýylynda halyqqa gýmanıtarlyq kómek jetkizildi. Atyraý oblysynyń bas ımamy Altynbek Utyshanulynyń aıtýynsha, birinshi kezekte azyq-túlik ónimderi, kıim-keshekter men dári-dármekter jóneltildi.

Jylyoı aýdanynyń bas ımamy Jasulan Qýanyshuly men eriktiler jumylyp Qulsary qalasy men aýyl turǵyndaryna kómekti jetkizdi.

Eske sala ketsek, QMDB Tóraǵasy, Bas múftı Naýryzbaı qajy Taǵanulynyń bastamasymen «Zeket jáne qaıyrymdylyq» qory Atyraýǵa 114 tonna gýmanıtarlyq kómek jetkizgen bolatyn.

​