Múftııattyń túrkistan qalasyndaǵy keńse basshysy taǵaıyndaldy (FOTO)

Keshe Bas múftı Serikbaı qajy Orazdyń buıryǵymen Birinshi naıb múftı Naýryzbaı qajy Taǵanuly Qazaqstan musylmandary dinı basqarmasynyń Túrkistan qalasyndaǵy keńse basshysy bolyp taǵaıyndaldy.

Bul týraly Astana qalasynda ótken Tóralqa májilisinde QMDB Tóraǵasy Serikbaı qajy Satybaldyuly málimdedi.

Bas múftı óz kezeginde: «Naýryzbaı qajy Taǵanulynyń dinı salada tájirıbesi mol. Onyń uıymdastyrýshylyq qabileti men din qyzmetkerleri arasyndaǵy bedelin eskerip, QMDB-nyń Túrkistan qalasyndaǵy keńse basshysy qyzmetine taǵaıyndadym», – dep atap ótti.

Aıta keteıik, Túrkistan qalasynda Qazaqstan musylmandary dinı basqarmasynyń arnaıy fılıaly ashylatyn boldy.

Ótpenov Naýryzbaı Taǵanuly 

1977 jyly 13 naýryzda týǵan

BILIMI:

* 1993-1997 jyldary Tashkenttegi «Imam ál-Buharı» atyndaǵy Islam ınstıtýtyn támamdaǵan.

* 1999-2001 jyldary QMDB janyndaǵy Islam ınstıtýtynda bilimin jetildirgen.

* 2009 jyly Mysyr Arab Respýblıkasyndaǵy bilim jetildirý kýrsynda biliktiligin arttyrǵan.

* 2010 jyly Abaı atyndaǵy Almaty Memlekettik ýnıversıtetniń «Tarıh» fakýltetin bitirgen.

* 2011-2013 jyldary Abaı atyndaǵy Almaty Memlekettik ýnıversıtetniń «Dintaný» mamandyǵy boıynsha magıstratýrasyn úzdik támámdaǵan.

EŃBEK JOLY:

* 1997-1999 jyldary OQO, Túlkibas aýdany, «Kókirek ata» meshitiniń ımamy;

* 2001-2005 jyldary ShQO, Aıagóz aýdanynyń Bas ımamy;

* 2005-2006 jyldary Almaty qalasyndaǵy «Mekke» meshitiniń naıb ımamy;

* 2006-2011 jyldary QMDB-nyń Qaraǵandy óńirindegi ókili, Qaraǵandy Ortalyq meshitiniń Bas ımamy;

* 2011 jyldyń cáýir-qyrkúıek aılarynda Almaty qalasyndaǵy «Mekke» meshitiniń Bas ımamy;

* 2011-2013 jyldary Qazaqstan Respýblıkasy Din isteri agenttiginiń Dinı birlestiktermen baılanystar jónindegi basqarmasynyń Bas sarapshysy;

* 2013 jyldyń sáýir-qyrkúıek aılary aralyǵynda «Nur Astana» ortalyq meshitiniń naıb ımamy.

* 2013 jyldyń 20-qyrkúıeginen bastap QMDB-nyń Astana qalasy boıynsha ókili, «Nur Astana» ortalyq meshitiniń Bas ımamy bolyp qyzmet atqarǵan.

*2017 jyldyń jeltoqsan aıynan bastap QMDB-nyń birinshi naıb múftıi, respýblıkalyq «Áziret Sultan» meshitiniń Bas ımamy qyzmetin atqardy.

2018 jyldyń shilde aıynda Birinshi naıb múftı qyzmetin saqtaı otyryp, QMDB-nyń Túrkistan qalasy boıynsha keńse basshysy qyzmetine taǵaıyndaldy.

MARAPATTARY:

Aıagóz aýdanynyń qurmetti azamaty (2005 jyl);

Qaraǵandy oblysy ákiminiń qurmet gramotasy (2009 jyl);

Qazaqtan Táýelsizdiginiń 20 jyldyǵy medali (2011 jyl);

Astana qalasy ákiminiń alǵys haty (2014 jyl);

Qazaqstan Respýblıkasy táýelsizdigine 25 jyl mereıtoılyq medali (2016 jyl);

«Qurmet» ordeni nagradasy (2016 jyl);

Astana qalasy ákiminiń qurmet gramotasy (2017jyl).