«Munara» gazeti ústel tennısinen týrnır ótkizdi (FOTO)
Elordada «Munara» rýhanı-tanymdyq gazetiniń uıymdastyrýymen BAQ qyzmetkerleriniń merekesi qarsańynda jýrnalıster arasynda ústel tennısinen týrnır ótti.
Maqsaty – jýrnalıstermen tyǵyz baılanys ornatyp, yntymaqtastyqty arttyrý, salaýatty ómir saltyn nasıhattaý jáne merekelik kóńil-kúı qalyptastyrý.
Elimizdiń bas qalasynda qyzmet etip júrgen baspasóz salasynyń 16 ókili týrnır kórigin qyzdyryp, tartysty oıyn órnegin kórsetti. Toptyq kezeńnen qara úzip shyqqan 8 myqty ózara bas júldeni sarapqa saldy. Nátıjesinde jyldam ári tartymdy oınaǵan «Qazaq radıosynyń» dıktory Muhammedálı Bolatuly qarsylas shaq keltirmeı, jeńimpaz atandy. Al oǵan sál ǵana upaıy jetpeı qalǵan «Qazaqstan» ulttyq arnasynyń tilshisi Ońǵar Alpysbaıuly ekinshi oryndy mise tutsa, úshinshi oryn «Egemen Qazaqstan» gazetiniń jýrnalısi Almas Manapqa buıyrdy. Qalǵan bes qatysýshyǵa yntalandyrý syılyqtary berildi. Jeńimpazdardy marapattaǵan QMDB Baspasóz hatshysy Aǵabek Qonarbaıuly men «Munara» gazetiniń bas redaktory Serikbol Hasan týrnırge qatysýshylarǵa alǵystaryn bildirdi.
