«MUNARA» GAZETINIŃ 100-SANY JARYQ KÓRDI

2019 jylǵy 22 qazanda Qazaqstan musylmandary dinı basqarmasynyń tól basylymy – «Munara» rýhanı-tanymdyq gazetiniń alǵashqy sany oqyrmanǵa jol tartqan edi. Sodan beri attaı týlap tórt jyl óte shyqty. Búgin, «Munara» gazetiniń 100-sany jaryq kórdi. Alla qalasa, keler 2024 jyly «Munara» gazetiniń – 5 jyldyǵy.

Qazaq jýrnalıstıkanyń tarıhynda jalpy sany 100-ge jetpegen gazetter bar. Máselen, «Qazaqstan» gazetiniń – 16, «Jas azamat» gazetiniń – 22, «Birlik týy» gazetiniń – 29, «Uran» gazetiniń – 38, «Saryarqa» gazetiniń 90 sany ǵana jaryq kórgen. Gazettiń úzilissiz shyǵyp turýy oqyrmanǵa tikeleı baılanysty. Allaǵa shúkir, qazirgi ýaqytta «Munara» gazetiniń 31 myńnan astam oqyrmany bar. Osy oraıda baspasózge jazylý naýqany júrip jatqanyn aıta keteıik. Jazylý naýqany bir aıdan keıin aıaqtalady. «Munara» gazetiniń jazylý ındeksi – 64747. Bir jylǵa jazylý baǵasy qala boıynsha – 2311 teńge, aýdan-aýyl boıynsha – 2414 teńge. Meshitter arqyly jazylý quny – qala boıynsha da, aýdan-aýyl boıynsha – 2100 teńge.

Aıta keteıik, gazet betinde bıyl «Shyrmaýyq», «Beıbarys sultan – 800», «Nazıdanıe verıýýshım» (orys tilinde) sekildi jańa aıdarlar ashyldy. Odan bólek «Múftııat-aqparat», «Nasıhat», «Tarıh men taǵylym», «Rýhanııat», «Zerde», «Keıipker», «Júrek sózi», «Suhbat», «Jahan», «Ádebıet», «Ózekti», «Ómirdiń ózinen», «Motivation», «Sport» t.b aıdarlar júıeli túrde júrgizilip keledi.

Derekkóz: QMDB Baspasóz qyzmeti