MYSYRDA OQYP JATQAN QAZAQSTANDYQ STÝDENTTERMEN KEZDESÝ ÓTTI

QMDB Tóraǵasy, Bas múftı Naýryzbaı qajy Taǵanulynyń tapsyrmasymen Mysyr Arab Respýblıkasyna issaparmen barǵan naıb múftı Sansyzbaı Qurbanuly men Dinı bilim jáne kadr daıarlaý bóliminiń meńgerýshisi Hasan Amanqul Kaırde bilim alyp jatqan qazaqstandyq shákirttermen kezdesti.

Kezdesýge Qazaqstannyń Mysyr Arab Respýblıkasyndaǵy Tótenshe jáne ókiletti elshisi Qaırat Lama Sharıf, Din isteri komıtetiniń tóraǵasy Erjan Núkejanov jáne QMDB-nyń osy eldegi ókili ári «Talaba» qaýymdastyǵynyń jetekshisi Rýslan Serǵazıev ta qatysty.

Alǵashqy sóz tizginin alǵan Sansyzbaı Qurbanuly shetelde oqyp jatqan stýdentterge Bas múftı Naýryzbaı qajy Taǵanulynyń sálemin jetkize otyryp, Dinı basqarmanyń dinı oqý-aǵartý baǵytynda atqaryp jatqan jumystardy, elde dinı bilim alý úshin jasalyp jatqan múmkindikter jaıynda áńgimeledi. Sondaı-aq osynda oqyp jatqan barlyq shákirtti jat dinı ıdeologııa jeteginde ketpeı, QMDB-nyń Mysyrdaǵy «Talabalar» qaýymdastyǵy mańaıyna shoǵyrlanýǵa shaqyrdy.

Al Din isteri komıtetiniń tóraǵasy Erjan Bolatqanuly óz sózinde qazaqstandyq azamattardy shetelge dinı oqýǵa jiberý máselelerin retteý jáne sonda oqyp jatqan stýdenttermen tyǵyz baılanysta bolýdyń mańyzdylyǵyn atap ótti.

Sonymen qatar kelgen qonaqtar stýdentterdiń  qoıǵan túrli suraqtaryna jaýap berdi.

​