MYSYRDA PÁTÝA JÓNINDE HALYQARALYQ KONFERENTsIIa ÓTTI
Mysyr Arab Respýblıkasynyń Pátýa berý ortalyǵyna qarasty Álemdegi pátýa organdarynyń bas hatshylyǵynyń uıymdastyrýymen Joǵary Mártebeli MAR Prezıdenti Ábdel Fattah as-Sısı myrzanyń qamqorlyǵymen 29-30 shilde kúnderi Kaır qalasynda «Qarqyndy damyǵan álemdegi pátýa berý men adamgershilik negizderi» atty IX halyqaralyq ǵylymı-tanymdyq konferentsııasy ótti.
Eki kúnge sozylǵan halyqaralyq is-sharaǵa álemniń 100-ge jýyq memleketinen múftıler, ǵalymdar men sarapshylar qatysty. Qazaqstan musylmandary dinı basqarmasy atynan Bas múftı Naýryzbaı qajy Taǵanulynyń tapsyrmasymen jıynǵa naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly, Dinı bilim jáne kadr daıarlaý bóliminiń meńgerýshisi Hasan Amanqul qatysty.
Jıynda búginde jyldam ózgerip, damyp jatqan jaǵdaıda pátýa berý men onyń Etıkalyq negizderi jaıynda máseleler talqylandy, sondaı-aq musylman jáne arab memleketteriniń pátýa berý ortalyqtary arasynda jaqsy qarym-qatynastyń mańyzdylyǵy aıtyldy.
