Mysyrdaǵy qazaq stýdentteri Máýlit merekesin toılady (FOTO)

Súıikti Paıǵambarymyz (s.ǵ.s.) týylǵan Máýlit merekesine oraı Mysyr jerindegi qandastarymyz Kaır tórinde bas qosyp, álemniń raqym nury bolǵan Áz Elshige (s.ǵ.s.) saǵynyshtaryn jetkizdi. Áıgili «Ál-Azhar» men «Aın Shams» sekildi irgeli dinı oqý oryndarynda bilim alyp jatqan qazaq shákirtteri arasynda bul úrdis birneshe jyldan beri úzilmeı jalǵasyp keledi. Bir kezderi Beıbarys babamyz bılik qurǵan ólkede bilim alyp jatqan birneshe býyn qazaq jastarynyń Máýlit merekesi, tipti, qazirgi tańda qazaqy sıpatta toılanyp, ýnıversıt basshylyǵy da óz qurmetterin bildirý ústinde.

Paıǵambarymyzǵa (s.ǵ.s.) sansyz salaýattar joldanyp, Alla Taǵala shúkirlikter aıtylǵan Máýlit aıasynda qandastarymyz halqymyzǵa tán qonaqjaılyqtyń úlgisin tanytyp, arnaıy dastarhan da jaıǵan kórinedi. Ardaqty Alla Elshisi (s.ǵ.s.) jaıly ǵıbratty ýaǵyz-nasıhat aıtylyp, mereke barysynda halqymyzdyń ozyq salt-dástúrleri de kórinis tapty. Basqosý sońynda alysta júrse de júregi jurtym dep soqqan qandastarymyz Qazaqstan halqy úshin duǵa jasap, táýelsiz memleketimizdiń týy bıikte bolýyn tilegen kúıde tarqasty.