Qarttar úıinde Jeńis merekesi toılandy (FOTO)

Búgin Astana qalasyndaǵy «Sharapat» áleýmettik kómek kórsetý ortalyǵynda Jeńis merekesiniń 73 jyldyq mereıtoıyna arnalǵan shara bolyp ótti. Astana qalasy ákimdiginiń uıymdastyrýymen ótken merekelik shara barysynda ardager qarııalarǵa qurmet kórsetilip, «Ardager» saıajolyna soǵys ardagerleriniń ataýly kóshetteri otyrǵyzyldy.

Merekelik is-sharaǵa respýblıkalyq «Áziret Sultan» meshitiniń naıb ımamy Baqytjan Ótkelbaev qatysyp, ardager aqsaqaldarymyzdy Jeńis merekesimen quttyqtap qaıtty. Qarttar úıiniń aýlasynda ótken shara aıasynda Bas meshit ımamy qasıetti Quran aıattaryn oqyp, kópshilikpen birge duǵa jasady.

Shara aıasynda maıdanger qarııalardyń jadyn jańǵyrtyp, áskerı sherý de uıymdastyryldy. Sondaı-aq, túrli izgi tilekter aıtylyp, syılyqtar tartý etildi. Shara sońynda «Ardager» saıajolyna tal otyrǵyzý rásimi oryn aldy. Aıta keteıik, «Ardager» saıajoly 2008 jyly Astana qalasynyń 10 jyldyǵy jáne Uly Jeńis merekesiniń 63 jyldyǵyna oraı ashylǵan bolatyn.