Naıb múftı Amanjol Áltaımen kezdesti (FOTO)
QMDB Tóraǵasynyń orynbasary, naıb múftı Ershat Aǵybaıuly aıtysker aqyn, L.N.Gýmılev atyndaǵy Eýrazııa ulttyq ýnıversıtetiniń professory, fılologııa ǵylymynyń doktory Amanjol Áltaımen kezdesti.
Kezdesýde jastar tárbıesi, olarǵa motıvatsııa berý, ıdeal bolý, din men dástúr sabaqtastyǵyn kóbirek nasıhattaý máseleleri sóz boldy.
Basqosýda Amanjol Áltaı: «Hákim Abaı murasy – urpaq úshin zor taǵylym. Abaıdy taný arqyly órkenıettiń ónegeli jolyna túsemiz. Ol úshin jastarymyzǵa Abaı shyǵarmashylyǵyndaǵy dindi qurmetteý, dástúrdi dáripteý sekildi ımandylyq ıirimderin kóbirek nasıhattaýymyz kerek. Abaıdyń túsingen jastar onyń óleńderiniń ózeginde ımandylyq, din men dástúr jatqanyn tereń tarazylaıdy» dep atap ótti.
Sondaı-aq Amanjol Áltaı qazaqtyń rýhyn kóterýdiń eń qarapaıym ári tóte joly jastardy atqa mingizý ekenin ataı kelip, atqa minýdi kóbirek nasıhattaýǵa shaqyrdy.
Óz kezeginde Ershat Aǵybaıuly Dinı basqarma tarapynan atqarylyp jatqan jumystarǵa keńirek toqtalyp, Amanjol Dúısenbaıulyna usynys-tilegi úshin alǵys aıtty.
