Naıb múftı batyr babalar rýhyna taǵzym etti (FOTO)
Qazaqstan Respýblıkasynyń Reseı Federatsııasyndaǵy Elshiliginiń uıymdastyrýymen Máskeý oblysy Volokolamsk qalasynda aty ańyzǵa aınalǵan 8-gvardııalyq-panfılovshylar dıvızııasynyń Máskeý túbindegi shaıqastaǵy eren erliginiń 80 jyldyǵyna arnalǵan saltanatty is-shara ótti.
Is-sharaǵa Reseıge resmı saparmen barǵan QMDB Tóraǵasynyń orynbasary, naıb múftı Ershat Ońǵar qatysyp, batyr babalar rýhyna Quran baǵyshtap, taǵzym etti.
«1941 jyldyń 16 qarashasyndaǵy Dýbosekovo razezi túbinde qazaqstandyq 28 panfılovshy batyrlar Máskeýge kirýge tyrysqan nemis tankteri kolonnasyn jeńip, urys-dalasynda jeńiske jetken bolatyn.
Qurannyń «Álı Imran» súresiniń 169-aıatynda «Alla jolynda óltirilip, sheıit bolǵandardy óli dep oılama! Kersinshe, olar tiri ári Rabbylarynń dárgeıinde rızyq-nesibege bólinýde» delingen. Qan maıdanda elim-jerim, urpaǵym dep jaýǵa qarsy shaıqasyp, sheıit bolǵan babalarymyzdy Alla Taǵala raqymyna alyp, jandaryn jánnattan etkeı!» dedi Ershat Ońǵar.
