NAIB MÚFTI HALYQARALYQ KONFERENTsIIaǴA QATYSTY (FOTO)
Qazaqstan musylmandary dinı basqarmasynyń tóraǵa orynbasary, naıb múftı Kenjeáli Qońyratbaıuly Almaty qalasynda Halyqaralyq ǵylymı-praktıkalyq konferentsııaǵa qatysyp, baıandama jasady.
QR ǴJBM ǴK Fılosofııa, saıasattaný jáne dintaný ınstıtýty Turan ýnıversıtetimen birigip ótkizgen «Eýrazııa kontınenti halyqtarynyń Evolıýtsııasy konteksindegi zoroastrızmniń mádenı-tarıht murasy» taqyrybyndaǵy konferentsııada Qazaqstan, Ózbekstan, Iran, Reseı, Belarýs, AQSh, Ispanııa jáne t.b memleketterden professorlar qatysty. Naıb múftı QMDB Tóraǵasy Naýryzbaı qajy Taǵanuly 2024 jyldy «Islam jáne dástúr qundylyǵy» jyly dep jarııalaǵanyn aıta kele:
«Adamzat balasy týmysynan Jaratýshyǵa muqtaj. Pende on segiz myń ǵalamnyń tylsym syryna qanyq bolý úshin únemi Jaratýshysyn izdep, Oǵan jalbarynǵan. Kez-kelgen halyqtyń ótken tarıhyna nazar salǵanda olardyń shynaıy aqıqatty tapqanǵa deıin túrli nanym-senimder men ilimderdiń ılanýshysy bolǵanyna kóz jetkizýge bolady. Sol sekildi qazaq halqy da sońǵy din – Islamdy qabyldaǵanǵa deıin aqıqatty izdeý jolynda «tar jol, taıǵaq keshýden» ótken deýge negiz bar.
Zoroastr senimi túrkilerdiń ótken tarıhynda ózindik iz qaldyrǵanymen de, shynaıy aqıqattyń negizi Islamda jatqany anyq. Horasan, Máýránnáhir jáne Deshti Qypshaqty mekendegen túrkilerdiń Islamdy qabyldaýynyń bar syry da osynda.
Qazaqstan musylmandar dinı basqarmasy din men dástúr sabaqtastyǵyna erekshe nazar aýdaryp keledi. Bıylǵy jyldy «Islam jáne dástúr qundylyǵy» dep jarııalandy. Osy salada ózge dinderge syılastyqpen qarap, ózimizdiń dástúrli ıslamı dúnıetanymymyzdy damyta bererimiz anyq», - dep atap ótti.
Aıta keteıik, aýqymdy sharada qazaq, orys, aǵylshyn jáne parsy tilderinde baıandama jasaldy.
