Naıb múftı halyqaralyq onlaın konferentsııaǵa qatysty (FOTO)

Búgin Reseıdegi Tatarstan Respýblıkasynyń Bolgar qalasynda «Reseı musylmandarynyń teologııalyq qundylyqtary» atty III halyqaralyq forýmy ótip jatyr.

Forýmǵa QMDB Tóraǵasynyń orynbasary, naıb múftı Ershat Ońǵar qatysyp, Reseı musylmandaryn aıtýly sharamen quttyqtady. Naıb múftı eki el arasyndaǵy baýyrlastyqtyń joǵary ekenin atap ótip, Qazaq mádenıeti men Islam qundylyqtarynyń baılanysy jaıynda baıandama oqydy.

Sondaı-aq Edil Bolgarııasynyń Islam dinin qabyldaǵanyna 1100 jyl tolýyna oraı ótkizilgen forýmda eki halyqaralyq ǵylymı-praktıkalyq konferentsııa ótti. Olar «V halyqaralyq Bolgar oqýlary» jáne «Reseıdegi musylman teologtarynyń murasy: saqtaý jáne zertteý máseleleri» taqyrybynda ótti.

Atalǵan konferentsııaǵa Qazaqstannan QMDB Tóraǵasynyń orynbasary, naıb múftı Ershat Ońǵar jáne Nur-Múbarak ýnıversıtetiniń prorektory Qaırat Qurmanbaev qatysty.

Aıta keteıik, bes kúnge sozylatyn aýqymdy halyqaralyq sharaǵa ıslamtanýshy, dintanýshy, tarıhshy ǵalymdar men ǵylymı jáne bilim berý uıymdarynyń ókilderi qatysýda.

​