Naıb múftı merekelik is-sharaǵa qatysty (FOTO)

1 mamyr – Qazaqstan halqynyń birligi kúnine oraı Aqparat jáne qoǵamdyq damý mınıstrligi, Nur-Sultan qalasy ákimdiginiń uıymdastyrýymen elordadaǵy «Dinaralyq kelisim alleıasynda» aǵash otyrǵyzý is-sharasy ótti.

Aıtýly sharaǵa QR Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov, Nur-Sultan qalasy ákiminiń orynbasary Baqtııar Máken, QMDB Tóraǵasynyń orynbasary, naıb múftı Ershat Aǵybaıuly, sondaı-aq elordadaǵy dinı birlestikterdiń basshylary men ókilderi qatysty.

Saýapty is Qazaqstan halqynyń birligi kúnine, sondaı-aq qalany kógaldandyrý men jańartý ıdeıasyn qoldaý maqsatynda uıymdastyryldy. Beıbitshilik pen kelisim saraıy mańynda ótken shara barysynda qatysýshylar 100-ge jýyq aǵash otyrǵyzdy.

«Qazaqta «atańnan mal qalǵansha, tal qalsyn» degen ataly sóz bar. Maǵynasy – tereń. Jalpy aǵash egý, ony saýabyn alý maqsatynda otyrǵyzý – úlken mádenıettiń belgisi. Dinimizde de bul – jaqsy amaldardan. Tabıǵatty saqtaý, qorshaǵan ortany kógaldandyrý maqsatynda qolǵa alynǵan jaqsy bastama ońynan bolsyn» – dedi Ershat Aǵybaıuly.

Bul aktsııa jyldaǵy dástúrge sáıkes ótkizilip jatqandyǵyn atap ótken jón. 2017 jyldan bastap memlekettik mekemeler men dinı birlestikterdiń basshylary «Konfessııaaralyq kelisim alleıasynda» dál osylaı aǵash otyrǵyzýdy bastaǵan bolatyn.