Naıb múftı Qordaıdaǵy qaıyrymdylyq sharasyna qatysty (FOTO)

Qasıetti aıda jasalyp jatqan qaıyrymdylyq jumystarynyń sany taǵy bir ıgi sharamen tolyqty.

Jıynǵa Qordaı aýdanyna arnaıy is-saparmen kelgen QMDB Tóraǵasynyń orynbasary, naıb múftı Ershat Ońǵar, Jambyl oblysynyń bas ımamy Beıbit Myrzageldıev, Jambyl oblystyq Din isteri basqarmasynyń basshysy Jangeldi Omarov, QMDB «Zeket jáne qaıyrymdylyq» qorynyń óńirdegi ókili Erjan Amanbaev jáne aýdannyń bas ımamy Asqar Zákirjanuly qatysty.

Qaıyrymdylyq sharasynda 65 otbasyǵa azyq-túlik salynǵan qoraptar taratyldy. Qasıetti aıda zeket retinde meshitke berilgen 2 iri qara maly soıylyp, ol túgeldeı osy kezdesýge kelgen turǵyndarǵa úlestirilip berildi.

Turǵyndarmen kezdesý barysynda barlyq sanıtarlyq talaptar saqtaldy. Shara sońynda Qasıetti Ramazan aıynyń berekesi úshin duǵa jasaldy.

.

​