Naıb múftı «Qul-Sharıf» meshitine bardy (FOTO)

Tatarstan astanasy Qazan qalasyndaǵy HII halyqaralyq «Reseı – Islam álemi: KazanSummit» Ekonomıkalyq sammıtine arnaıy barǵan QMDB delegatsııasy sapar barysynda «Qul-Sharıf» meshitine at basyn burdy.

QMDB Tóraǵasynyń orynbasary, naıb múftı Ershat qajy Aǵybaıuly men «Halal Damý» dırektory Aıbek Asqarbekulyna musylman áleminiń erekshe sándi ǵımaratyn «Qul-Sharıf» meshitiniń ımamy Ilnaz Sharıpov tanystyrdy.

«Qul-Sharıf» – Tatar handyǵynyń myń jyldyǵyna oraı 2005 jyly paıdalanýǵa berilgen meshit. Elge 922 jyly Islam dini kelgeniniń belgisi retinde Tatarstan Prezıdentiniń bastamasymen meshit 922 adamnyń namaz oqýyna laıyqtalyp salynǵan. Kúmbezi 36 metrge, al munaralarynyń bıiktigi 54 metrge deıin jetetin meshit 1552 jyly Ivan Groznyıdyń basqynshylyǵy kezinde qulatylǵan «Aqmeshittiń» ornyna aq mármárdan turǵyzyldy. Ashylǵanyna 16 jyl bolsa da, tarıhı mańyzy bar meshitke tatar halqynyń birtýar tulǵasy, ımam, aqyn Qul Sharıf esimi berilgen.