Naıb múftı resmı saparmen Máskeýge bardy (FOTO)

QMDB Tóraǵasynyń orynbasary, naıb múftı Ershat Ońǵar Reseı astanasy Máskeýge resmı sapary aıasynda Reseı musylmandary dinı basqarmasy Tóraǵasynyń orynbasary Rýshan Abbıasovpen kezdesti.

Ershat Ońǵar kezdesý barysynda QMDB Tóraǵasy Bas múftı Naýryzbaı qajy Taǵanulynyń sálemin jetkizip, Reseı musylmandary dinı basqarmasy tóraǵasy, Bas múftı sheıh Ravıl Gaınýtdınniń quttyqtaý lebizin qabyl aldy.

Kezdesý barysynda kórshiles eldiń rýhanı-mádenı, dinı saladaǵy baılanysy sóz boldy. Qazaqstan men Reseı musylmandary Dinı basqarmalary arasyndaǵy áriptestik baılanystyń nyǵaıyp kele jatqandyǵy aıryqsha ataldy.

Ershat Ońǵar suhbat barysynda Qazaqstan Táýelsizdiginiń 30 jyldyq mereıtoıyna oraı Nur-Sultan qalasynda ótetin «Táýelsiz Qazaqstan jáne Islam qundylyqtary» halyqaralyq ǵylymı-tájirbıelik konferentsııasynyń jaı-japsaryn tanystyrdy.

Basqosý sońynda taraptar Reseı men Qazaqstan musylmandary dinı birlestikteri aldaǵy ýaqytta birqatar jobalardy birlesip iske asyratynyna senim bildirdi.