Naýryzbaı qajy Taǵanuly Atyraý óńiri ımamdarymen júzdesti (FOTO)
Atyraý oblysyndaǵy jumys sapary aıasynda Bas múftı Naýryzbaı qajy Taǵanuly óńir ımamdarmen arnaıy kezdesý ótkizdi. Jıynǵa QMDB Apparat basshysy Ǵylymbek Jádigeruly, QMDB Sharıǵat jáne pátýa bóliminiń meńgerýshisi Sansyzbaı Shoqanov qatysty.
Ortalyq «Imanǵalı» meshitindegi kezdesýde QMDB Tóraǵasy aldymen indet kezinde toqtaýsyz jumys istep, qaıyrymdylyq sharalaryn molynan atqarǵany úshin ımamdarǵa alǵys aıtty. Bas múftı ımamdardyń qazirgi qoǵam suranysyna saı bolýy kerektigin alǵa tartty.
«Jaqynda Qazaqstan musylmandary dinı basqarmasy Ǵulamalar keńesiniń HHVI májilisinde «Zııatker ımam tujyrymdamasy» atty qujat qabyldandy. Zııatker ımamǵa dinı rásimderdi atqarýmen qatar, maǵynaly ýaǵyz aıtý, dinı bilim berý, Dinı basqarma daıyndaǵan «Jeti rýhanı qazyq» qujatyndaǵy qundylyqtardy nasıhattaý júkteledi. Mundaǵy maqsat – meshitterdi qulshylyq ornymen qatar dinı-rýhanı ortalyqqa aınaldyrý. Árbir meshitte talapqa saı keletin zııatker ımam bolýy kerek. Osy mártebege saı bolý –búgingi kúnniń talaby», – dedi Naýryzbaı qajy Taǵanuly.
Kezdesýde Atyraý oblysynyń bas ımamy Altynbek Utyshanuly óńirdegi dinı ahýal týraly baıandaı kelip, aımaqtaǵy atqarylǵan jumystarǵa toqtaldy. Sonymen qatar jıynda QMDB-nyń negizgi tórt baǵyty boıynsha atqarylǵan jumystardyń esebi tyńdaldy.
