NAÝRYZBAI QAJY TAǴANULY MÁSKEÝDE RESEI MÚFTIIMEN KEZDESTI (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Máskeý qalasyndaǵy Ortalyq meshitte Reseı musylmandary dinı basqarmasynyń tóraǵasy Ravıl Gaınýtdınmen kezdesti.

Kezdesýde taraptar erteń Máskeý qalasynda ótetin Halyqaralyq musylman forýmynda kóteriletin ózekti máseleler, atap aıtqanda, álemdik beıbitshilik pen dinı turaqtylyqty qamtamasyz etýde din lıderlerininiń róli sóz boldy.

Bas múftı Naýryzbaı qajy Taǵanuly Qazaqstanda ár úsh jyl saıyn ótetin Álemdik jáne dástúrli din lıderleri seziniń dinı pikir almasý alańyndaǵy orny men rólin aıryqsha atap ótti. Sonymen qatar erteń Máskeý Ortalyq meshitinde ótetin Halyqaralyq musylman forýmynyń jumysyna sáttilik tiledi.

Ravıl Gaınýtdın halyqaralyq is-sharaǵa qatysýǵa nıet bildirgen Naýryzbaı qajy Taǵanulyna alǵysyn jetkizdi. Sonymen qatar Qazaqstan musylmandary dinı basqarmasynyń uıymdastyrýymen ótken I Halyqaralyq Quran jarysy jaıly jyly pikirin aıtty. Basqosýda eki el múftıleri ózara yntymaqtastyqty arttyrýǵa kelisti.