Naýryzbaı qajy Taǵanuly Semeıde juma namazyn ótkizdi (FOTO)
QMDB tóraǵasy, Bas múftı Naýryzbaı qajy Taǵanuly Semeıdegi sapary aıasynda «Qos munaraly meshitte» juma namazyn ótkizdi. Aldymen jıylǵan jamaǵatqa «Islamdaǵy áıeldiń mártebesi» degen taqyrypta ýaǵyz aıtty.
Atalǵan ýaǵyzynda Bas múftı áıel kisiniń úsh mártebesine toqtaldy. Onyń birinshisi qyz mártebesi, ekinshisi áıel mártebesi jáne sońǵysy Ana mártebesi dep áıeldiń óz orny men qadirin aıshyqtap aıtty.
«Ábý Hýraıra (r.a) jetkizgen hadıste Paıǵambarymyz (oǵan Allanyń salaýaty men sálemi bolsyn): «Kimniń úıinde qyz bar bolsa, ol úıge kún saıyn kókten on eki bereke túsedi. Ol úıge perishteler tynbaı (úzdiksiz) kelip turady. Árbir kún, árbir tún saıyn olar (sol qyzdyń) ata-anasyna bir jyldyq qulshylyqpen teń saýap jazyp otyrady» - deı kele, qyz ósirip, ony jaqsylap tárbıelep, molshylyqta jegizip, kıindirse, bul qyz ata anasy úshin bereket bolady», – dedi Bas múftı búgingi ýaǵyz nasıhatynda.
Sóziniń sońyn túıindeı kele qyz bala áke-sheshesiniń jannaty, tozaq otyna qalqan. Mine, ıslam bizge onyń mártebesin osylaısha baıandaıdy. Sondyqtan úıimizge qyz kelse, ol úshin qýanyp, Allaǵa madaq aıtýymyz kerek dedi Naýryzbaı qajy.
Juma namazynan soń Bas múftı jalpy elge, Semeı jurtyna arnap duǵa jasady. Sonymen qatar6 Semeı qalasynyń bas ımamy Asqar Muqanov QMDB tóraǵasyna jamaǵat atynan rızashylyǵyn jetkizdi. Osylaısha Bas múftıdiń eki kúnge sozylǵan Semeı óńirindegi sapary aıaqtaldy.
