NAÝRYZBAI QAJY TAǴANULY ShEIH ALLAShÚKIR PAShA-ZADEMEN KEZDESTI
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Ázerbaıjan astanasy Baký qalasynda Kavkaz musylmandary basqarmasynyń tóraǵasy, Sheıh-ýl Islam Allashúkir Pasha-Zademen kezdesti.
«Beıbitshilik pen jahandyq qaýipsizdik úshin dıalog: yntymaqtastyq jáne ózara is-qımyl» taqyrybynda uıymdastyrylǵan VI álemdik mádenıetaralyq forým aıasynda ótken kezdesýde eki eldiń rýhanı baılanysy, túrki memleketteriniń qarym-qatynasy, sondaı-aq Túrkitildes memleketterdiń Múftıler alqasynyń jumysy sóz boldy.
«Ózińiz jaqsy bilesiz, Qazaqstan musylmandary dinı basqarmasynyń bastamashyldyǵymen qasıetti Túrkistan qalasynda Túrkitildes memleketterdiń múftıler alqasy quryldy. Oǵan ózińiz arnaıy kelip qatystyńyz. Sizdiń joǵary deńgeıde uıymdastyrýyńyzben Alqanyń kezekti basqosýy Baký men Shýsha qalasynda ótti.
Alla qalasa, bizdiń elimizde osy jyly Túrkitildes memleketterdiń múftıler alqasynyń kezekti otyrysy ótedi dep josparlanýda. Oǵan ózińizdi taǵy da arnaıy shaqyramyn. Biz bul baǵyttaǵy ortaq jumystarymyzdy júrgize berýge árqashan nıettimiz. Alla Taǵala búgingi basqosýymyzdy da musylman úmbeti úshin nátıjeli etkeı» dedi Naýryzbaı qajy Taǵanuly.
Kavkaz musylmandary basqarmasynyń tóraǵasy, Sheıh-ýl Islam Allashúkir Pasha-Zade QMDB Tóraǵasy Naýryzbaı qajy Taǵanulyna VI álemdik mádenıetaralyq forýmǵa qoldaý bildirip kelgeni úshin alǵysyn bildirdi. Odan bólek, baýyrlas halyqtardyń Bas múftılerinen quralǵan alqa jumysyna sáttilik tilep, halyqaralyq deńgeıdegi ıgi bastamaǵa uıytqy bolǵan Naýryzbaı qajy Taǵanulyna rızashylyq nıetin jetkizdi.
