Naýryzbaı qajy Taǵanuly Túrkııa múftıin qaıta saılanýymen quttyqtady

QMDB Tóraǵasy Naýryzbaı qajy Taǵanuly Alı Erbashtyń Túrkııa Respýblıkasy Din isteri basqarmasynyń tóraǵasy bolyp qaıta saılanýyna oraı quttyqtaý jedelhatyn joldady.

Bas múftı Alı Erbashtyń din salasyndaǵy kópjylǵy tájirıbesi men Islam qundylyqtaryn baǵalap, alǵa jeteleý jolyndaǵy izgi isterine toqtala kelip, ıgi tilegin bildirdi.

«Siz qaı kezde de Islamnyń shynaıy janashyry bolyp, asyl dinimizdi ardaqtaý jolynda súbeli úles qostyńyz. Ózińiz qolǵa alǵan baıandy bastamalar júıeli jalǵasyn tabady dep bilemin.

Ózińizdiń sep bolýyńyzben Qazaqstan musylmandary dinı basqarmasy jáne Túrkııa Din isteri basqarmasy arasynda altyn kópir qalandy. Aldaǵy ýaqytta da asyl dinimiz úshin aýadaı qajet tolaıym jumystardy birlesip atqaryp, ózińizben yntymaqtasa eńbek etip, eki el arasyndaǵy rýhanı baılanysty ári qaraı jetildirip, tarıhı baýyrlastyqty nyǵaıta túsemiz degen senimdemin» delingen quttyqtaý hat mátininde.