Naýryzbaı qajy Taǵanuly jat aǵymmen isti bolǵandarmen jekelegen kezdesýler ótkizdi (foto)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Atyraý qalasyna issapary barysynda ÝK-1579 mekemesine arnaıy baryp, teris aǵymnyń jetegine erip, búginde jazasyn ótep jatqan azamattarmen jekelegen kezdesýler ótkizdi.
Dinı basqarma tóraǵasy ár azamatqa dinniń nasıhatyn jetkizdi. Isti bolǵandar da óz kezeginde jaza basyp, jańylysqandaryn moıyndady. Jeke kezdesý barysynda olar Bas múftıge saýaldaryn qoıyp, tıisti jaýaptaryn aldy.
Eske salaıyq Atyraý qalasyndaǵy atalǵan túzetý mekemesinde búginde jat aǵym boıynsha sottalǵan 20-dan astam azamat jazasyn óteýde.
