Nıqab tyıymy óz kúshine endi
Tamyz aıynyń 1-juldyzynan bastap Danııa memleketinde qoǵamdyq oryndarda adamnyń bet-júzin kólegeıleıtin kıim túrlerine kıim kııýge salynǵan tyıym óz kúshine enip otyr. Eldiń Ádilet mınıstrligi habarlaǵandaı, atalmysh zań mamyr aıynda Parlament túzetýinen ótken keıin qabyldanǵan.
Zań jobasynda atap kórsetilgendeı, tyıym salynǵan kıimder qataryna nıqab, býrka jáne balaklava jatqyzylǵan. Al, merekelik maskalarǵa, sondaı-aq keıbir jumysshylardyń maskalaryna jáne qatty sýyq kúnderi betti jaýyp turatyn bas kıimderge bul tyıymnyń qatysy joq kórinedi.
Atalmysh zańdy buzǵandarǵa birinshi joly 1000 dat krony ( shamamen 134 eýro) kóleminde aıyppul salynsa, qaıtalanǵan jaǵdaıda 10 ese kóp tóleýi qarastyrylǵan.
