«Nur Astana» meshitinde qaıyrymdylyq sharasy ótti (FOTO)
Elordadaǵy «Nur Astana» meshitinde Ábdirahpan (Ábdesh) qajy Ińkárbekulynyń rýhyna baǵyshtalǵan qaıyrymdylyq sharasy ótti.
As ta tók dastarhan jaıyp ysyrap etpeı, ornyna áleýmettik jaǵdaıy tómen jáne kópbalaly otbasylardyń alǵysyn alýdy nıet etken azamattar «Nur Astana» meshitiniń ujymymen birlesip qaıyrymdylyq jasady. Sanıtarlyq talaptarǵa saı ótkizilgen sharaǵa aldyn-ala tirkelgen 30 otbasy shaqyryldy.
«Nur Astana» meshitiniń naıb ımamy Berikbol Janaq olarǵa izgi amaldyń mán-maǵynasy men saýabyn túsindirdi. Rıza bolǵan meshit jamaǵaty alǵys aıtyp, tarqasty.
Qaıtqan kisiniń artynan izgi amal istep, saýabyn baǵyshtaý – artynda qalǵan urpaqqa syn. «Ólilerdi razy etý úshin» tirilerge qolǵabysyn tıgizý kerektigin túsingen azamattar qatary kóbeıip kele jatqany qýantady.
